جمال العدل: خطة "المتحدة" للتطوير خطوة مهمة للانفتاح

أعرب المنتج جمال العدل، رئيس مجلس إدارة شركة العدل جروب، عن تفاؤله بخطة التطوير التي أعلنت عنها الشركة المتحدة للخدمات الإعلامية في مؤتمر صحفي عقدته السبت.

وخلال استضافته في برنامج "كلمة أخيرة"، الذي تقدمه الإعلامية لميس الحديدي على قناة ON، أشار جمال العدل إلى أن الفترة التي أعقبت الثورة شهدت ظهور العديد من القنوات الجديدة، وضخ أموال ومنافسات شديدة، وبدأت تلك المحطات تخسر، وعجزت محطات مهمة عن الدفع لهم كمنتجين ليدفعوا بدورهم للممثلين، فحدثت ربكة في المشهد.

وقال جمال العدل: "أي تغيير في الدنيا يستدعي يبقى في حاجات إيجابية وحاجات مش إيجابية، أنا بشوف اللي حصل رغم إنه ضرني أنا على وجه الدقة، بس بشوف كان تنظيم لسوق الدراما. ضروري نشكر تامر مرسي على اللي عمله في الفترة الماضية، وإنه قدر يحول شركات كانت خسرانة لشركات ابتدت تنجح."

وأضاف: "الناس الجديدة اللي جايبينهم كلهم قامات معروفين جدا، في منتهى الجمال كاستثمار وناس في الميديا. أنا متصور إن دي حتبقى خطوة مهمة أوي للانفتاح. وعشان يطلّع شركات جديدة ده ضروري لإن في شباب صغيرين منتجين جايز يشوف اللي أنا مبشوفوش، ويبقى عنده طعم تاني، وبالتالي شايفها خطوة متفائلة جدا وكل الناس فرحانة بيها."