منى زكي: البنت بتمتلك جسمها لغاية لما ربنا ياخدها

أعربت الفنانة منى زكي عن سعادتها بإثارة مسلسل "لعبة نيوتن" قضية إرغام الزوج زوجته على العلاقة الحميمة، أو ما يشير إليه البعض بمصطلح "الاغتصاب الزوجي".

وخلال لقائها مع الإعلامي عمرو أديب في برنامج "الحكاية" على قناة MBC مصر، قالت منى زكي: "في حاجات إحنا شايفينها رواسخ وحاجات جوانا، مصدقين مثلا إن من حق الزوج إن هوا يعتدي على مراته، وهوا الحقيقية لأ، لا دينيا أوكي ولا قانونيا أوكي ولا أي حاجة."

وعن الضجة التي أثارها طرح القضية في المسلسل، قالت: "مبسوطة جدا، إحنا لازم نربي ولادنا إزاي البنت يبقى عندها ثقة في نفسها، بنت أو ولد، وإن جسمها ملكها حتى لو إتجوزت أو أي حاجة، مش معناه إن دا مش جسمها، ومش معناه إن هي ما بتمتلكش نفسها، لأ هي بتمتلك نفسها لغاية لما ربنا ياخدها."

يذكر أن مسلسل "لعبة نيوتن" من بطولة منى زكي، محمد فراج، محمد ممدوح، سيد رجب، عائشة بن أحمد ونخبة من نجوم الفن. والمسلسل من تأليف وإخراج تامر محسن.